Umwana w’imyaka 10 utwite inda y’amezi asaga 6 ategereje uburenganzira bwo kuyikuramo
Udushya 1 month ago Yasuwe: 2506

Umukobwa w’imyaka 10 y’amavuko, ukomoka mu gihugu cy’ u Buhinde, ategereje ko ku wa Gatanu w’iki cyumweru, urukiko rumwemerera gukuramo inda yasamye nyuma yo gufatwa ku ngufu na nyirarume wahise atabwa muri yombi ku bw’ayo mahano.

Umwana nyuma yo gufatwa ku ngufu, ategereje ko urukiko rumuha umuburenganzira bwo gukuramo inda byemewe n’ amategeko dore ko abaganga bemeza ko adashobora kuzabyara neza ubuzima bwe butagiye mu kaga.

Urukiko rw’Ikirenga rwategetse ko uyu mwana utwite inda y’ibyumweru 26 [Amezi 6 asaga], akorerwa ibizamini byo kwa muganga. Ubusanzwe gukuramo inda byemewe ku nda irengeje ibyumweru 20 mu Buhinde mu gihe ubuzima by’ umubyeyi cyangwa ubw’ umwana atwibute buri mu kaga.

Kubera iyi mpamvu, urukiko rwo mu mugi wa Chandigarh mu cyumweru gishize rwateye utwatsi icyifuzo cy’ababyeyi b’uyu mwana cyo gukuramo iyi nda. Uyu mwana yasobanuye ko yafashwe ku ngufu inshuro nyinshi na nyirarume wahise anatabwa muri yombi nk’uko Radiyo mpuzamahanaga y’ Abafaransa RFI yabitangaje.


Imibare igaragaza ihohoterwa rikorerwa abana bato mu gihugu cy’ u Buhinde iri ku rwego rwo hejuru

Guverinoma n’Ishami rya Loni ryita ku bana, UNICEF byasohoye raporo igaragaza ko mu gihugu cy’u Buhinde umwana uri munsi y’imyaka 16 y’amavuko afatwa ku ngufu buri masaha abiri.

Biteganyijwe ko ku wa Gatanu w’ iki Cyumweru aribwo urukiko ruzatanga umwanzuro warwo wa nyuma ku busabe bwo gukuramo inda uyu mwana atwite.

Ibitecyerezo

  • Log in

    Amategeko n'amabwiriza birkurikizwa

  • chat_bubble umutesi

    lmana nitabare kuko abantu bafit’ubugome bukabije
    9

    1 month ago
  • chat_bubble Nsengiyumva Jean Baptiste

    Isi ifite ibibazo byinshi pee

    1 month ago

Udushya

ANDI MAKURU