Kuramba no kubana neza ni bimwe mu byo bakesha amateraniro y’ abahamya ba Yehova
Ahabanza Iyobokamana
Yanditswe: Nsanzimana Ernest
July 2017 Yasuwe: 2639

Abitabiriye amakoraniro y’ abahamya ba Yehova arimo kubera mu karere ka Kicukiro mu mujyi baravuga ko aya makoraniro abafitiye akamaro kanini mu buzima bwabo bwa buri munsi harimo kubana neza n’ abo bashakanye, guhora bishimye no kuramba.

Ni amakoraniro y’ iminsi itatu yatangiye kuri uyu wa Gatanu tariki 7 Nyakanga. Yitabirwa n’ abahamya na Yehova bo mu mujyi wa Kigali no mu nkengero zayo bakabakaba ibihumbi bibiri buri mu munsi.

Matabaro Philippe umusaza w’ imyaka 90 y’ amavuko wari witabiriye amakoraniro yo kuri uyu wa Gatandatu yatangarije Umuryango ko aya materaniro ariyo yamufashije kugeza ku myaka 90 agikomeye.

<img30200|center>
<img30201|center>
Matabaro Philippe

Yagize ati “Aya materaniro aranyubaka, aya materaniro arankomeza, iyo ntayagira mba narapfuye”

Umuvugizi w’ abahamya ba Yehova mu makoraniro yo mu mujyi wa Kigali Nkurikiyinka Valens yatangarije Umuryango ko aya amakoraniro agamije gufasha abantu kubana neza.

<img30198|center>
Nkurikyinka Valens

Yagize ati “Aya makoraniro yateguwe kugira ngo afashe abahamya ba Yehova n’ abatari abahamya ba Yehova kugira ngo babane n’ abandi neza”

Nkurikiyinka yavuze ko amakoraniro y’ uyu mwaka yahawe umutwe umugira uti “Ntucogore” bivuze ko abantu badakwiye gucogora gukora ibyiza.

Uyu muvugizi yavuze ko inyigisho zirimo gutangwa muri iyi minsi itatu zigaruka ku ruhare rwa buri kiciro cy’ abagize umuryango, ni ukuvuga umugabo, umugore n’ abana. Izi nyigisho ngo zishingiye kuri bibiliya kuko bibiliya ifite icyo ivuga kuri buri kiciro.

Yagize ati “Buri wese mu muryango afite umwanya arimo, ni umugore, ni umugabo ni umwana, buri wese iyo amenye umwanya arimo nk’ uko bibiriya ibyigisha amakimbirane yo mu miryango no gutandukana kw’ abashakanye biragabanyuka.”

Umubyeyi witwa Mutoni Deborah, uvuga ko amaze imyaka 29 yitabira aya materaniro yatangarije Umuryango ko aya materaniro yamufashije kubana neza n’ umugabo we binyuze mu nyigisho zitangirwamo.

<img30199|center>
Mutoni Deborah
Ati “Nkanjye byatumye nunga ubumwe n’ umugabo wanjye. Tuhakura inama z’ ukuntu twarera abana bacu neza”

Abahamya ba Yehova bavuga ko gusoma no gusobanukirwa byatuma abantu batiyahura kuko bibiliya itanga inama z’ ihumure.

Ikindi kandi ngo umuhamya wa Yehova aba afite amahirwe yo kubaho igihe kirekire kuko bahora bishimye kandi bagakora siporo igihe bazenguruka mu ngo zitandukanye bajya kubwiriza.

<img30197|center>

<img30196|center>
Izi screen nizo zerekanirwaho utuvidewo
Uyu mwaka hateganyijwe ibiterane 39 bizabera mu bice bitandukanye by’ u Rwanda.

<img30202|center>
Ababyeyi bonsa bubakiwe inzu yo nkonkyerezamo

Ibitecyerezo

Iyobokamana

ANDI MAKURU