Umugore wa Chameleone yandikishije amazina y’abana be k’urushyi rw’akaboko
Imyidagaduro 1 month ago Yasuwe: 3511

Daniella Atim Mayanja, umugore w’umuhanzi ukomeye muri Uganda Jose Chameleone yandikishije amazina y’abana be mu mugongo ndetse anashyiraho ibishushanyo bitandukanye.

Akoze ibi nyuma y’uko umugabo nawe yandikishije izina ry’umugore ku ijosi.Amagambo menshi yanditse ku rushyi rw’akaboko rw’uyu mugore ari mu ibara ry’umukara.

Iyo witegereje neza ubona amazina y’abana be bagera kuri bane; Abba, Alfa, Alba, Amma.Yagize ati “nzahora mbakunda by’ibihe byose”.

Mu minsi ishize mu bitangazamakuru bitandukanye hasohotse inkuru zurudaca bivugwa ko bagiye gutandukana burundu bapfa ubushurashuzi.

Icyo gihe Chameleone yumvikanye avuga ko adashaka gutandukana n’umugore we.Ngo yagize igihe cyo kumubabaza ariko nanone ngo igihe kirageze cy’umunezero usesuye.

Chameleone na Daniella bamaze imyaka icyenda barushinze, basezeranye kuwa 7 Kamena 2008 muri Kiliziya ya Biina Catholic Church muri Mutungo. Icyo gihe bakoze ibirori bikomeye ndetse mu myaka bamaranye bafatwaga nk’urugo rw’intangarugero mu byamamare mu karere.

Chameleone ni umuyobozi wa label yitwa Leone Island yazamuye abahanzi bamaze kubaka izina muri Uganda nka Moses Radio, Weasel, AK 47, King Saha,Papa Cidy, Pallaso n’abandi.

Uyu mugore yanditse amazina y’abana bane

Ibitecyerezo

  • Amategeko n'amabwiriza birkurikizwa

Imyidagaduro

ANDI MAKURU