Wenger yiteguye kumena Banki kugira ngo agure umukinnyi w’umufaransa
Imikino 3 months ago Yasuwe: 734

Umutoza Arsene Wenger wa Arsenal uzwiho kudatanga amafaranga menshi mu kugura abakinnyi yiteguye kurekura amafaranga ataratanga mu myaka amaze mu butoza akagura rutahizamu w’ikipe ya Lyon, umufaransa Alexandre Lacazette w’imyaka 26.

Uyu musore watsindiye Lyon ibitego 37 mu mikino 45 yakinnye mu mwaka w’imikino ushize agiye gutangwaho akayabo ka miliyoni zirenga 50 z’amapawundi n’ikipe ya Arsenal imaze imyaka myinshi yarabuze rutahizamu nyuma y’igenda ry’umuholandi Robin Van Persie wavuye muri iyi kipe yerekeza muri Manchester United mu mwaka w’imikino 2012-2013.

Mu nkuru dukesha ikinyamakuru Dailymail cyo mu bwongereza ngo uyu musore yamaze gutangariza inshuti ze ko ibiganiro bigeze kure hagati ya Lyon ndetse na Arsenal ko ndetse we mu minsi mike yiteguye kwerekeza I London gukinira iyi kipe y’Abarashi mu mwaka w’imikino utaha.

Arsenal niramuka iguze uyu musore miliyoni zirenga 50 z’amapawundi araba akoze agahigo ko kuba umukinnyi uguzwe amafaranga menshi muri iyi kipe dore ko uheruka kugurwa menshi ari Mesut Ozil ubwo yavaga muri Real Madrid waguzwe miliyoni 42 n’ibihumbi 500 by’amapawundi.

Ibitecyerezo

  • Log in

    Amategeko n'amabwiriza birkurikizwa

Imikino

ANDI MAKURU