Wenger yatangaje icyo Manchester City yakora ngo ibone Sanchez
Ahabanza Imikino
Yanditwe: Dusingizimana Remmy
5 months ago Yasuwe: 1732

Hashize igihe kinini ibitangazamakuru by’Iburayi byibaza aho umusore Alexis Sanchez azerekeza cyane ko yagaragaje ko atacyifuza kuguma mu ikipe ya Arsenal kubera ko nta bushake igaragaza mu gushaka ibikombe bikomeye nka premier League na Champions League.

Uyu musore yavuzwe ko yifuzwa n’amakipe menshi arimo Bayern Munich,Paris st Germain,Chelsea ,Manchester United na Manchester City cyane ko asigaje umwaka umwe ku masezerano afitanye n’ikipe ya Arsenal.


Nyuma y’aho umutoza Arsene Wenger atangaje ko atifuza kugurisha Sanchez mu makipe yo mu Bwongereza ndetse ko yiteguye kwakira ikipe yose yifuza Sanchez iturutse hanze yabwo ikipe ya Bayern Munich yatangaje ko itagishaka uyu musore kubera ibyo yabasabye aho Manchester City yasigaye ari umukandida umwe rukumbi wifuza uyu musore.

Ku munsi w’ejo nibwo Wenger yatangaje ko yakwemerera Manchester City kugura uyu mukinnyi ari uko ishyize ku meza miliyoni 80 z’amapawundi.

Mu makuru yatangajwe n’ikinyamakuru El Mercurio aravuga ko uyu musore nawe yakibwiye ko yifuza kujya mu ikipe ya Manchester City aho yifuza gukorana na Pep Guardiola bigeze gukorana muri Barcelona.

Ibitecyerezo

Imikino

ANDI MAKURU