Rayon Sports yasinyishije Bakame igura abakinnyi babiri
Ahabanza Imikino
Yanditwe:
July 2017 Yasuwe: 2722

Mu kanya gashize nibwo umunyamabanga mukuru w’ikipe ya Rayon Sports Gakwaya Olivier atangaje ko bamaze kugura abakinnyi 2 barimo Mugisha Gilbert wari rutahizamu wa Pepinieres FC na Niyigena Jules Moise myugariro waturutse mu ikipe ya Muhanga.

Ibi Gakwaya Olivier yabitangaje abinyujije ku mbuga nkoranyambaga ze aho benshi mu bakunzi ba Rayon Sports bagaragaje ibyishimo byinshi nyuma yo kumenya aya makuru.


Aba bakinnyi bombi basinye amasezerano y’imyaka 2 aho baje biyongera kuri Kapiteni Ndayishimye Eric Bakame wari umaze imyaka ibiri muri iyi kipe (2015-2017), nawe wemeye gukomeza kuyikinira mu izamu kugeza muri 2019.


Aba bakinnyi baje biyongera kuri Rutanga Eric wavuye muri APR FC na Habimana Yussuf bakuye muri Mukura Victory Sports mu gihe igifite intambara yo kongerera amasezerano umukinnyi Manzi Thierry.

Ibitecyerezo

Imikino

ANDI MAKURU