Rayon Sports igiye kubona umutoza mushya
Ahabanza Imikino
Yanditwe:
5 months ago Yasuwe: 8385

Ikipe ya Rayon Sports yatangiye kurambagiza umutoza mushya nyuma yo kugenda kwa Masudi Djuma weguye ku wa gatandatu taliki ya 08 Nyakanga nyuma yo guhabwa igikombe cya shampiyona bari bamaze igihe bategereje. Ku Isonga ry’abashobora kumusimbura haravugwa umunyarwanda Karekezi Olivier utoza mu makipe y’abana muri Suede .

Karekezi Olivier wabaye umukinnyi ukomeye mu ikipe ya APR FC no mu Mavubi aravugwa cyane n’abakurikiranira hafi ibya Rayon Sports aho bavuga ko ashobora gusinyira iyi kipe mu minsi iri imbere ndetse ko ibiganiro bigeze kure.

Nubwo ubuyobozi bwa Rayon Sports ntacyo bubitangazaho kugeza kuri ubu amakuru agera ku Umuryango ni uko ngo ku kigero cya 70 ku ijana uyu mutoza yamaze kumvikana n’ubuyobozi bwa Rayon Sports aho muri iki cyumweru bishobora kuba byarangira atangajwe nk’umutoza mushya w’iyi kipe.

Nubwo nta byinshi arageraho mu butoza Karekezi yakoze byinshi byiza mu mupira w’amaguru haba mu Rwanda no muri Suede ku buryo aramutse abikoze no mu gutoza ikipe ya Rayon Sports yaba ibonye umutoza mwiza.

Ibitecyerezo

Imikino

ANDI MAKURU