Perezida wa Real Madrid yatangaje byinshi kuri Messi
Imikino 2 months ago Yasuwe: 2379

Nyuma yo gutorerwa gukomeza kuyobora ikipe ya Real Madrid indi manda y’imyaka 4 Florentino Perez yatangaje ko Real Madrid yari kwishima cyane iyo iza kuba yarasinyishije kizigenza Lionel Messi.

Uyu musore w’imyaka 29 ukinira Barcelona n’ikipe y’igihugu ya Argentina amaze kwereka isi yose ko umupira w’amaguru uri mu maraso ye aho mu bamukuriye ingofero harimo ni uyu muyobozi wa Real Madrid.

Perez yavuze ko byari kuba ari amahirwe akomeye iyo Real Madrid itanga Barcelona kubona uyu munya Argentine umaze gutwara Ballon d’or 5 aho yageze mu ikipe ya Barcelona afite imyaka 13 gusa.Ibi yabitangaje mu kiganiro yagiranye n’ikinyamakuru Onda Cero.

Yagize ati ‘Nibyo rwose ikipe ya Real Madrid yari kwishima iyo tubona umukinnyi Messi gusa yari mu ikipe y’abato ya Barcelona niyo mpamvu bitashobotse.”

Lionel Messi amaze gufasha Barcelona gutwara ibikombe bya shampiyona 8 na Champions League 4 aho umwaka w’imikino ushize yabashije gutsinda ibitego 54 mu marushanwa yose nubwo atabashije gutwara shampiyona na Champions League ibikombe byombi byatwawe na Real Madrid.

Ibitecyerezo

  • Amategeko n'amabwiriza birkurikizwa

  • chat_bubble kiki

    hahaha!Iyi nkuru iransekeje. ngo perezida wa real madrid yatangaje byinshi kuri Messi! ko mutabivuze? ndabishatse ndabibura. ahubwo mbonye yavuze ko yari kwishima iyo aza kuba yarasinyishije uyu mukinnyi. ubwo se ibyo nibyo mwise byinshi? mudupfunyikiye amazi kabisa.

    2 months ago

Imikino

ANDI MAKURU