Lionel Messi yatangaje abakinnyi batatu abona basimbura Neymar aramutse avuye muri Barcelona (amafoto)
Imikino 3 weeks ago Yasuwe: 3596

Umusore Lionel Messi kizigenza w’ikipe ya Barcelona yatangaje abakinnyi 3 abona bashobora gusimbura Neymar uri kuvugwa cyane ko ashobora kwerekeza mu ikipe ya PSG ku kayabo ka miliyoni 195 z’amapawundi aho we abona abanya Argentine 2 Angel Di Maria na Paulo Dybala ndetse ni umufaransa Ousmane Dembele basimbura neza uyu musore.


Bisanzwe bizwi na benshi ko uyu Messi ari umufana ukomeye wa Angel Di Maria cyane ko buri gihe iyo uyu abajijwe ku bakinnyi beza atibagirwa uyu musore utarahiriwe mu ikipe ya PSG, aho mu makuru dukesha ikinyamakuru The Sun avuga ko Barcelona iramutse yemereye kubagurisha Neymar uyu musore yahita agurishwa.

Paulo Dybala w’imyaka 23 usanzwe nawe akinana na Messi mu ikipe y’igihugu ya Argentina watsinze ibitego 35 mu myaka 2 iheruka mu ikipe ya Juventus nawe abonwa na Messi ko ashobora kuba umusimbura mwiza wa Neymar.

Umukinnyi wa nyuma Messi abona ko yasimbura Neymar ni umufaransa w’imyaka 20 Ousmane Dembele ukinira ikipe ya Borussia Dortmund yo mu Budage.

Dembele mu mwaka we wa mbere muri iyi kipe yatanze imipira 18 yavuyemo ibitego ndetse kubera ukuntu ari mu bakinnyi bihuta baca ku mpande yifujwe n’amakipe menshi yo ku mugabane w’I Burayi aho na Messi amubonamo ubushobozi bwo gusimbura Neymar.

Ibi uyu musore yabitangarije ikinyamakuru Don Balon.

Ibitecyerezo

  • Amategeko n'amabwiriza birkurikizwa

  • chat_bubble

    Neymr. Agomba Kukugm Mwikp Ye Nka Fc.Barc Uk Vyagend Kwos Aga Mba Kuy Gumamo?

    3 weeks ago

Imikino

ANDI MAKURU