Espoir FC yarahiriye gusezerera Rayon Sports
Ahabanza Imikino
Yanditwe:
June 2017 Yasuwe: 1515

Umutoza Ndizeye Jimmy yatangaje ko we n’abakinnyi be baraza gukora ibishoboka byose bagatsinda ikipe ya Rayon Sports ibitego byinshi bityo bikabafasha gukora amateka yo kugera ku mukino wa nyuma w’igikombe cy’amahoro baba bagezeho ku nshuro ya mbere.

M kiganiro n’ikinyamakuru The New Times dukesha iyi nkuru uyu mutoza yagitangarije ko we n’ikipe ye bameze neza kandi ko igihe ari iki ngo bakuremo iyi kipe ifite abafana benshi mu Rwanda.

Yagize ati “Ubu turi mu mwanya mwiza wo kuba twagera ku mukino wa nyuma.Twakoze ibishoboka byose ngo dukuremo amakipe akomeye twahuye nayo.Turabizi ko tugiye guhura n’ikipe nziza mu gihugu gusa twiteguye neza uyu mukino.”

Umutoza Ndizeye utarahiriwe n’imikino yo kwishyura ya shampiyona arashaka gutsinda Rayon Sports kugira ngo yiyunge n’abafana b’iyi kipe yo hakurya ya Nyungwe nyuma yo kurangiza ku mwanya wa 08 n’amanota 39.

Ku ruhande rwwa Rayon Sports ishyamba si iryeru kuko yahagurutse ku wa gatanu idafite abakinnyi buzuye kuko yajyanye abakinnyi 15. Abakinnyi nka Nshuti Dominique Savio,Manzi Thierry,Nahimana Shassir,Rwatubyaye Abdoul, Mugabo Gabriel na Tidiane Kone bose ntabwo baraza gukina uyu mukino.

Uyu mukino utaganyijwe kuri iki cyumwru taliki ya 25 Kamena ku i saa cyenda n’igice

Ibitecyerezo

Imikino

ANDI MAKURU