Cristiano Ronaldo yavuze ku byo kuva muri Real Madrid
Imikino 3 weeks ago Yasuwe: 940

Umusore Cristiano Ronaldo wigeze kuvugwaho ibibazo byo kunyereza imisoro mu mezi ashize ndetse bigatangazwa ko yafashe umwanzuro wo kuva muri Real Madrid ku munsi w’ejo taliki ya 24 Nyakanga yatangaje ko akiri muri iyi kipe ndetse ko yiteguye gukomeza gutwara ibikombe umwaka utaha.

Uyu musore uhabwa amahirwe yo kwegukana igikombe cy’umukinnyi mwiza ku isi uyu mwaka aganira n’ikinyamakuru Marca yavuze ko ikimuraje ishinga ari ukongera gufasha Real Madrid gutwara ibikombe ndetse agakomeza kuba umukinnyi w’igihangange ku isi.

Yagize ati “gutwarana n’ikipe yanjye ibikombe bikomeye ndetse nibyo natwaye ku giti cyanjye umwaka ushize byari byiza cyane .Turamutse twongeye kubitwara byaba ari agatangaza.Ngomba gukora cyane buri mwaka kuko umupira w’amaguru nibwo buzima bwanjye.”

Uyu musore ukiri mu biruhuko nyuma yo gufasha ikipe ya Portugal kugera mu mikino ya kimwe cya kabiri cy’irangiza mu mikino ya FIFA Confederations cup ntabwo azagaragara ku mukino wa Super cup ikipe ye ya Real Madrid izakina na Mnchester United ku italiki ya 08 Kanama uyu mwaka aho byitezwe ko azatangira imyitozo mu minsi iri imbere.

Ibitecyerezo

  • Amategeko n'amabwiriza birkurikizwa

  • chat_bubble Innocent

    Turamwemera ntitwamuhara.

    3 weeks ago

Imikino

ANDI MAKURU