Bigoranye Arsenal yikuye imbere ya Leicester City ku mukino ufungura Premier League 2017-2018 (amafoto)
Imikino 1 week ago Yasuwe: 494

Ku mugoroba wo kuri uyu wa gatanu Taliki ya 11 Kanama 2017 nibwo hari hateganyijwe umukino ubimburira iyindi muri shampiyona y’Ubwongereza Premier League aho ikipe ya Arsenal bigoranye yatsindiye Leicester kuri stade ya Emirates Stadium ibitego 4-3.

Ikipe ya Arsenal yagowe no kubura ba Myugariro cyane ko mu mutima w’abo harimo umusore ukiri muto Rob Holding mu gihe abandi bari bafatanyije ari Nacho Monreal na Sead Kolasinac basanzwe bakina ku mpande byatumye ikipe ya Leicester ibabonamo ibyuho ku buryo bworoshye.

Arsenal niyo yafunguye amazamu ku munota wa 2ku gitego cyatsinzwe na rutahizamu Alexandre Lacazette ku munota wa 2 cyahise cyishyurwa ku munota wa 5 na Shinji Okazaki ku munota wa 3.

Nyuma yo kwinjiza ibitego hakiri kare amakipe yombi yahise afungura cyane umukino arasatirana karahava arii nako abakinnyi bakina ku mpande bagendaga bahindura imipira imbere y’izamu bikarangira igitego kibuze.

Kubera ko uyu mukino wari ufunguye ntibyatinze kuko ku munota wa 29 umusore Jamie Vardy ugora cyane ikipe ya Arsenal cyane ko ari gake ava mu kibuga atayibonyemo igitego yaboneye Leicester igitego cya 2 ku mupira yahawe na marc Albrighton maze ibintu bitangira kuba bibi ku ikipe ya Arsenal yari imbere y’abafana bayo.
Ubwo igice cya mbere cyari kirangiye umusifuzi yongeyeho iminota 2 yatumye Arsenal ibona igitego cyo kwishyura cyatsinzwe na Danny Welbeck bituma igice cya mbere kirangira ari 2-2.

Igice cya kabiri cyatangijwe na Leicester yaje yariye karungu maze isatira Arsenal karahava byatumye umusore Jamie Vardy yongera kuunyeganyeza inshundura za Arsenal ku munota wa 56 ku mupira wari uvuye muri corner yari itewe na Riyad Mahrez.

Iki gitego kikimara kujyamo ikipe ya Arsenal yacitse integer itangira gutakaza imipira kubera igihunga no gushaka kwishyura byatumye umutoza Wenger akora impinduka zahinduye cyane uyu mukino aho ku munota wa 67 yakuyemo myugariro umwe wo hagati yari afite Rob Holding byagoye cyane asimburwa na rutahizamu Olivier Giroud ndetse akuramo Mohamed Elneny ashyiramo Aaron Ramsey byatumye noneho Arsenal yongera gusatira iyi kipe ihita iyoboka inzira yo kugarira.

Nubwo abafana ba Arsenal bari bihebye baje gusubirana ibyishimo ku munota wa83 ubwo Aaron Ramsey yishuraga igitego cya 3 ku munota wa 83 byashyize iyi kipe ya Leicester City yari yasuye mu gihunga gikomeye maze ku munota wa 85 Olivier Giroud abonera Arsenal igitego cy’intsinzi ku munota wa 85 umukino urangira utyo Arsenal itsinze 4 kuri 3 bya Leicester city.

Icyo benshi bahurizaho ni uko kuba Arsenal yatsinze ari amayeri y’umutoza Wenger cyane cyane ukuntu yasimbuje aho abakinnyi 2 Ramsey na Giroud yinjije aribo bamuhaye intsinzimuri uyu mukino.

Nubwo ikipe ya Leicester City yabagoye , yacungiraga ku mipira Arsenal yatakazaga ikazamuka ibona igitego mu gihe Arsenal yabonye uburyo bwinshi ariko kubona ibitego bikaba ingorabahizi.Umukino warangiye Arsenal ifite ifite 70ku ijana mu guhererekanya umupira mu gihe Leicester yo yari ifite 30.Arsenal yateye amashoti 10 yaganaga mu izamu mu gihe Leicester yateye 4,nanone yateye amashoti 10 agana hanze y’izamu Leicester itera 2.

Uyu munsi Taliki ya 12 Kanama 2017
13:30 Watford vs Liverpool
16:00 Chelsea vs Burnley
16:00 Crystal Palace vs Huddersfield Town
16:00 Everton vs Stoke City
16:00 Southampton vs Swansea City
16:00 West Bromwich Albion vs Bournemouth
18:30 Brighton and Hove Albion vs Manchester City

Amwe mu mafoto yaranze uyu mukino








Ibitecyerezo

  • Amategeko n'amabwiriza birkurikizwa

Imikino

ANDI MAKURU