PS Imberakuri iravuga ko igiye kurega mu nkiko Diane Rwigara imushinja ubujura bw’imyirondoro y’abayoboke bamwe baranapfuye
Ahabanza Amakuru Mu Rwanda
Yanditwe: Iyamuremye Janvier
5 months ago Yasuwe: 4289

Umuyobozi w’Ishyaka PS Imberakuri, Mukabunani Christine, yatangaje ko batangiye gukusana ibimenyemetso bishinja Diane Rwigara nyuma yo gukoresha abarwanashyaka bayo mu gihe yashakaga imikono 600 yo gushyigikira kandidatire ye ku mwanya wa Perezida wa Repubulika.

Kuri uyu wa Gatanu tariki ya 7 Nyakanga 2017, Komisiyo y’Igihugu y’Amatora NEC, yatangaje urutonde ntakuka rw’abakandida bemerewe guhatanira umwanya wa Perezida wa Repubulika, icyo gihe kandi Prof.Kalisa Mbanda yahise anatangaza impamvu abakandida barimo Diane Shima Rwigara, Sekikubo Barafinda Fred na Mwenedata Gilbert batemerewe kujya kuri urwo rutonde.

Kalisa yatangaje ko Rwigara Diane Shimwa we atujuje imikono 600 isabwa y’abamushyigikiye mu turere kuko yagize 572 kandi yifashishije amakarita y’itora ataragera kuri ba nyirayo. Byongeye mu mikono y’abamushyigikiye hanarimo iy’abitabye Imana.

Uretse ibyo Komisiyo ivuga ko yifashishije umutwe wa politiki PS Imberakuri mu gukusanya imikono y’abamushyigikiye, bikaba byerekana ko atari indakemwa mu mico no mu myifatire. Ibyemezo byatangajwe na NEC ni ntakuka, ntibijujuririrwa.

Mu kiganiro na RBA, Mukabunani yavuze ko atazi neza aho Diane Rwigara yakuye urutonde rw’abarwanashyaka ba PS Imberakuri bamusinyiye.Yavuze ko bagiye batanga intonde zitandukanye muri Minisiteri zitandukanye ariko Diane ashobora kuba yarakuye imikono yabo.

Umva aho amakenga ya Mukabunani ashingiye

Aho yagize ati :”Icyingenzi wavuga murabanza mukazitwara muri MINALOC kuko icyo gihe nibo bari bashinzwe imitwe ya Politiki hanyuma nyuma yaho mu kazitwara muri MINIJUST kuko nibo bakoraga Igazeti, bagomba kubandika mu igazeti ya Leta mukagira na kopi musigarana aho hose rero uko ari hatatu ntabwo wamenya ruriya rutonde yarukuye he?."

Yungamo ati :”Ariko reka tubanze dukurikirane twiteguye ko ntituramuka tumenye neza amakuru ibimenyetso tubifite tuzamutwara mu rukiko ariko nyine tuzanabanza duhure n’abarwanashyaka bacu cyane cyane ko aribo birimo kureba nubwo turi abayobozi yego tukaba tubavugira ariko tuzanahura buri wese atange igitekerezo ariko ikingenzi nuko tubona ko tuzarega

Komisiyo y’Igihugu y’Amatora yatangaje kuri uyu wa Gatanu ko abakandida ntakuka bazahatana mu matora y’Umukuru w’Igihugu ari Paul Kagame, Frank Habineza na Philippe Mpayimana.

Paul Kagame watanzwe na FPR Inkotanyi, Frank Habineza wa Green Party na Philippe Mpayimana wigenga ni bo bakandida bujuje ibisabwa.

Diane Nshimiyimana Rwigara ashobora gukurikiranwa mu nkiko nyuma yo gukoresha imyirondoro y’abarwanashyaka ba PS Imberakuri bamwe baranapfuye

Kanda hano ureba video z’amakuru aba agezweho cyangwa ibyegeranyo ku Umuryango TV

Ibitecyerezo

Mu Rwanda

ANDI MAKURU