Bugesera:Umusore yafashwe n’uruhereko nyuma yo gushikuza umugore isakoshi
Ahabanza Amakuru Mu Rwanda
Yanditwe: Iyamuremye Janvier
5 months ago Yasuwe: 7558

Mu murenge wa Nyamata mu Karere ka Bugesera biravugwa ko yafashwe n’uruhereko nyuma yo gushikuza umugore isakoshi yarimo amafaranga n’ibindi byangombwa.Uyu mudamu yavuze ko nyuma y’ibyumweru bibiri yitabaje umugabo uzwi ku izina rya ‘Salongo’ akamufasha kugaruza ibye.

Uyu musore uri mu kigero cy’imyaka 23 y’amavuko avuga ko yashikuje uyu mudamu Kayitesi isakoshi ariruka ndetse ngo abamwirukanseho bose yarabasize. Ngo ageze imbere arayisaka asangamo amafaranga menshi na telephone maze ayisiga ku ishyamba ahantu hakunda kugendwa n’abantu benshi.

Uwo ni Kayitesi wibwe isakosi yarimo amafaranga n’ibyangombwa

Ngo nyuma y’ aho yakomeje kugenda acika intege mu gitondo cyo kuri uyu wa Mbere tariki ya 10 Nyakanga 2017 aza kwisanga mu rugo rwa Kayitesi ariwe nyir’isakoshi nawe atazi uko yahageze.

Mu ijwi rirushye cyane yasobanuye uko byagenze :”Maze nanjye ndaza, ndamushikuza isakoshi ndiruka uriya mudamu Kayitesi.Umunyamukaru aramubaza ati wari usanzwe umuzi?.Ati :”Oya,narinzi ngo ni umugore uturutse I Kigali ndiruka nirukanka nsaka isakoshi.Isakoshi nyisatse nsangamo amafaranga na Telefone ibindi mpita mbijuganya ahantu hameze nk’ aho bamena imyanda.”

Kayitesi nyirukwibwa avuga ko yakoze ibi ataziko bishoboka, ngo ntiyiyumvishaga ko byakunda.

Yagize ati :”Njyewe umuntu yumvise ntatse arambwira ati wikwirirwa utaka hari umuntu ubikemura.Aramundangira, nagiye guhura nuriya mugabo arambwira ngo ibyo biroroshye, njye nabikoze rwose numva ko bitazashoboka.”

Yungamo ati :”Ninawe wampamagaye mu gitondo amaze kuhagera…Arambwira ati ‘Wa muntu ko yaje wamubonye, mpita mbona araje yicara iruhande rwanjye.Yaje rwose nicaye hanze mbona umuntu araza ansaba imbabazi ngo amafaranga yanjye n’ibyangombwa niwe wabitwaye..ubwo nyine umuvuzi arambaza ati yahageze?, nti yahageze ndamubwira nti mbabarira uze n’uko nawe araza.”

Uyu mugore yavuze ko icyo akeneye ari imbyangombwa bye kuko amafaranga ntaho yayakura akurikije uko amubona, ngo nta mafaranga yifitiye.

Uwo ni Salongo watanze umuti kugirango uyu musore afatwe

Rurangwa Salongo wahaye umuti uyu mugore avuga ko yamwitabaje hashize ibyumweru bibiri.

Ati :”Muha nimero akaba ari nayo nkurikirana kugira ngo mugeraho..Ni nk’ uko amashanyarazi yagufata uzafate ku mashanyarazi nawe wumve.”

Salonge yavuze ko ntawundi muti atanga arutse guha umuti uwibwe.Ngo yamaze amasaha agera kuri abiri agerageza kumuhembura.Bamwe mu baturage bashimye ibyo Salongo akora bavuga bizaca ubujuru bwari bumaze kubugariza.

Uyu mugabo abaye uwa Gatatu ufashwe n’uruhereko nyuma y’umugabo wafatiwe ku gitoko mu karere ka Gasabo; undi nawe yafatiwe mu karere ka Bugesera mu Murenge wa Nyamata yagiye kwiba imyumbati.

Ibitecyerezo

Mu Rwanda

ANDI MAKURU