RDC: Batanu bakomerekejwe n’ amasasu basaba ingengabihe y’ amatora ya Perezida
AmakuruMu mahanga 2 weeks ago Yasuwe: 565

Muri Repubulika Iharanira Demukarasi ya Congo abantu 5 bakomerekejwe n’amasasu ubwo bigaragambyaga basaba ingengabihe y’amatora ya 2017.

Mu gihugu cya repubulika iharanira demukarasi ya Congo, abarwanya n’abarambiwe ubutegetsi bwa Kabila, babyukiye mu myigaragambyo igamije ko akurwa ku butegetsi kandi hakaba amatora bitarenze uyu mwaka wa 2017.

Radio Okapi ivuga ko, guverinoma yageze aho itangaza ko iyi myigaragambyo ihagaritswe kubera impamvu z’umutekano, ariko ntibyabujije abigaragambyaga gukomeza ibikorwa byabo, biza kuba ngombwa ko polisi itangira kubahagarika ku ngufu.

Abigaragambirizaga mu mugi wa Bukavu, bahamagarira sosiyete sivile gutangaza ingengabihe y’amatora y’umukuru w’igihugu mu 2017, baje guterwamo amasasu ndetse n’imyotsi iryana mu maso na polisi, maze batanu bakomeretswa n’aya masasu.

Amatora y’umukuru w’igihugu muri repubulika iharanira demukarasi ya Congo yarateganyijwe umwaka ushize wa 2016, ariko aza gusubikwa ku mpamvu z’amikora, ariko abenshi babifataga nk’aho ari ukugira ngo Kabila abone uko ahindura itegekonshinga yongere yiyamamaze, ihuriro n’abarwanya Kabila bose bateganya ko byanze bikunze agomba kuva ku buyobozi bitarenze tariki ya 31 Ukuboza 2017.

Ibitecyerezo

  • Amategeko n'amabwiriza birkurikizwa

Umutekano

ANDI MAKURU