Kenya: Odinga yamaganye ibyavuye mu ibarura ry’ agateganyo
Ahabanza Amakuru Mu mahanga
Yanditwe: Nsanzimana Ernest
4 months ago Yasuwe: 1129

Raila Odinga umunyapolitiki utavuga rumwe n’ ubutegetsi uri mu bakandida 9 bahatanira kuyobora Kenya muri manda itaha yatangaje ko atemeranya n’ ibyavuye mu ibarurwa ry’ agateganyo ry’ amajwi.

Kuri uyu wa Kabili tariki 8 Kanama abaturage ba Kenya bazindukiye mu matora y’ umukuru w’ igihugu. Aho bagomba kwitorera Perezida uzabayobora agatorwa mu bakandida 9 bahatanira kuyobora Kenya.

Imibare y’ agateganyo y’ ibyavuye muri aya matora igaragaza ko Uhuru Kenya usanzwe ayobora iki gihugu ariwe uza imbere aho yatowe kuri 55% mu majwi yose amaze kubarurwa angana na 2/3 by’ abatoye bose.

Kenyatta yatowe n’ abaturage miliyoni 5, 83 mu gihe Raila Odinga yatowe na miliyoni 4, 65 aribyo bihanye na 44.02 %.

Dail nation cyandikirwa muri Kenya cyatangaje ko Raila Odinga uhagarariye ihuriro ry’ amashyaka arindwi atavuga rumwe n’ ubutegetsi National Super Alliance (Nasa) yatangaje ko atemeranya n’ ibyavuye muri iri barurwa ry’ amajwi ryakozwe n’ ababishinzwe aribo Komisiyo y’ amatora (IEBC).

Odinga avuga ko gutoresha uburyo bw’ ikoranabuhanga byari binyuranyije n’ ugushaka kw’ abatora.

Muri aya matora abaturage bamwe batoye bakoresheje uburyo bw’ ikoranabuhanga abandi batorera ku mpapuro.

Raila Odinga w’ imyaka 72 y’ amavuko ni umuhungu wa visi Perezida wa mbere wa Kenya, yahoze ari imfungwa ya politiki ndetse yigeze no kuba Minisitiri w’ intebe w’ iki gihugu. Kenyatta w’ imyaka 55 uza imbere mu majwi yahoze ari umushabitsi.

Ibitecyerezo

Politiki

ANDI MAKURU